Tuesday, September 25, 2012

ما بعد الحب و قبله

تهيمُ قوافلُ أناملي
في تلك الصحراء السمرا
تنغمسُ في رمالِها
و فمي يكسوها تقبيلاً
يبحث عن قطرة خمرا
يتخطى الأرباع الخالية
تهب الريح
يزداد الدفئُ دفئً
و أضيع بين نخلتين
و بين النخلتين واحة
أسقيها من فمي كيلاً
تضجُّ البيداء نشوةً
أشعرٌ غجريٌ هذا
أم ليلٌ أسود قد لاحَ؟
يصرخُني صوتٌ أمميٌ
يا فارس
لا تنسى سلاحَ
ما بعد الجنس و الأرباع الخالية
ثورات طلقات رشقات
مَن رضع الحب من نهدٍ
أخذَ الوطنية لقاحَ

Monday, July 23, 2012

مخمس مردود

حلوة عَ وجّا أنوار... ظريفة و دمّاتا خفاف
عَ خصرا زهّر نوّار... و مدّو غصونو للكتاف
**********************************
البين ضلوع سلبتي سلب... و جفني صلب بعيني دموع
بعيني دموع و جفني صلب... سلبتي سلب البين ضلوع
بشفّة و قبلتين و قلب... قلبتي قلب للموضوع
للموضوع قلبتي قلب... بشفتين و قلب و قبلة
و قلبين و قبلة و شفاف

Tuesday, July 17, 2012

وجع الوطن

يا وطني مش عم تمشي... صوت الحق سمعتو سكوت
حلمي من ترابك كمشة... و زبالة عترابك مزتوت
سكّرت عيوني برمشي... و قلت لحالي بدي فوت
بوطني حصِّل قرشي... و عمِّر لولادي لبيوت
فتّت و بلّشت الورشة... و علِقت ببيت العنكبوت
بيمشي شغلي بس إرشي... و بس اطبع اسمي عكروت
قال لازم انفخ كرشي... و صير سياسي يعني حوت
و شعبي جرّو بحلشة... و الأزعر سيبو مفلوت
ما الطائفية مشرشة... بنفوسن متل شروش التوت
و القاهرني اكتر شي... تركتك وطني عالفرشة
و درتلّك ذيني الطرشة... و كان بدي موت بأرضك
هجرتك انت و عم بتموت

Monday, July 16, 2012

عتابا و ميجانا

قالِت حلى الشبان يا بالعرض يا بالطول
لكن انت غيرن بتسحرني فيك كلما بتطل
قلتلها لو اشتقتي اندهيلي يا بو الطل
بطلطل عليكِ الف مرّة بالسنة

Friday, July 13, 2012

زجل

عالعيد عزمتا و شو ذنبي... مساقب عيدي بشهر الصوْم
رفْضِت حرقتلي قلبي... و نزلت فيي عتاب و لوْم
و قال تإستغفر ربّي... و صوم الشهر تلاتين يوم
قلتلّا دخلِك يا حبّي... سمعي بقلبي شو مخبّي
من وقت لِطلعتي بدربي... صايم لا أكل و لا شرب
و لا عيوني بتشوف النوم

Friday, June 15, 2012

زجل

طبعا حدّ بتحمُل صدّ
و قلبي وَدّ و ناطر ردّ

القد اليد العين الخد
النهد الورد و حدّو ندّ

نشفتا الغد و عطفي احتدّ
جسمي امتدّ بغمرة شدّ

و جرحا هدّ بسيفا الحدّ
فصّلت ضلوعي غِمْدا تيساعو قدّا عالقد







Monday, June 11, 2012

زجل

يا أحلى من الحلى بين البشر
أجمل من الشمس من ضوالقمر
لو بكتب الرب انتي مش إلي
بيقوى بقلبي الحب تيغيّر هالقدر

Thursday, June 7, 2012

عتابا الرقاصة

خصرك نحيف و وشمك اجنبي ترجميلي
بترقصي شرقي و الطبل يقول ترجّ ميلي
ريتني عاري و جسمي بجسمك ترجميلي
بيحلى الرقص و الحب اكتر بلا تياب

Tuesday, June 5, 2012

حبيب محارب

صورة الكلام

جمال

ممشوقة القوام، نحيفة الخصر، ترتدي تنورة سوداء قصيرة ضيقة ذي فتحةٍ من الخلف. اما قميصها ابيض شفاف مموّج بخطوط سود لا يغطي الّا القليل القليل. شعرها اسودٌ أيضاً رفعته عن أكتافها كي تظهر رقبتها الحنطية اللّون. لم استطع ان استخدم شيءً من علم البيان في وصفها لأن جمالها يفوق الوصف و التشبيه. ها هي واقفة أمامي في هذه اللحظة و حسن حركاتها يلهبني.

Monday, June 4, 2012

زجل

عنك لولا بعدت شهور،، ما تظني حبي بيتحوّل،،
لو متّت بحبك مقهور،، تقمّصت و عدتو من الأوّل..

ليل الصحارى

ها هو ليل الصحارى
يكتب حكاياتنا
على مرايا الأيام
يسهب في تحليل القضايا
و يترنح فينا
على أنغام و أحلام
يتسآل كيف هبطت طائراتنا
بعد التحليق في احضان الغمام
و يكشف لنا أن
غربتنا هبوط
هبوط أجسادٍ و حقائب
تعبت من التمحيص الطويل
هبوط قذائف
عادت قبلنا من غربتها
و مع القذائف
في القلوب سهام
يكمل ليل الصحارى قصتنا العبثية
يخبر كيف نبعث
دخان سجائرنا
في الهواء الطلق
كي يعبر حيث لا نعبر
باتت غربتنا حبس
وراء آلات التفتيش
و خسئت آلات التفتيش
أن تزجنا في زنزانتها
خسئت أوراق جواز السفر
أن تحسم الموقف
لا أريد إذن العبور هذا
سأجتاز الحدود كدخان سجائري
فالقلوب معبدة بالحب
و الطريق مفتوحة
يتابع ليل الصحارى عن غربتنا

حولتهم إلى عاشقين متطرفين
يعشقون بلا عاشق
يتسامرون مع الوحدة
و في القلوب حنين
ثم يهربون
يتناولون كأساً من الجنس
فالجنس أصبح اللاحب
و الحب صار مستحيل
و أسود ليل الصحارى
يعرف البديل
في كحل ظلامه يرقد
جسدي النحيل
مرهقاً
جنب أكثر من مليار خليل
فالأرض واحدة
و الله واحد
و رغم صغرنا
نصغر
ليتك يا دنيا
أوجدت لستخدامك دليل.

المحيط الهادئ

تترنح الأمواج سكرانة بعد أن أسرفت في شرب الخمر الأزرق. تصل الى حدود الرمل الذهبي، تداعب أقدام مراهقة سمراء و تسرق قليلاً من دفئ جسدها. في الفضاء حرب بين أقانيم ثلاث: يتصارع القمر و الشمس و الغيم على مرآة المحيط البلورية. تحوم الطيور حول خدودك ثم تنحني و ترميك بقبلة عشق. تهب الريح تحاول ان تبعد الطيور عنك و تزيد الأمواج سكراً. كل هذا و انت هادئ.

Sunday, June 3, 2012

شعر

يا حلوتي
استنفذتي كل حروفي و كلامي
استنفذتي حتى صمتي
عامان و أنا اكتب الشعر فيكي
اصرخ احبك
دون ان انبس ببنت شفة
و ما زال يقتلني
ضجيج صمتك
حين تهمسين
احبك.

Saturday, June 2, 2012

زجل

يلي عليي بتموني،، لما قبالي بتكوني
حتى لحظة شو صعبة،، ترمش شي رمشة عيوني

زجل

حلوة بحالاكِ نحليّت،، ما حلمت زْماني يجيبك،،
ليالي فيها شو صليّت،، تا أطلع من ناصيبك،،
قربتي و عنقك شميّت،،و صليبك عم يرشح زيت،،
بهلحظة أنا شو تمنيّت،، إتمسمر عا صليبك

أدب

سفكت دماء الخمر حبراً على الأوراق فأسكرت بشعري القلوب حباً