بعيد الحب عم بكتب قصيدة،، غير الكتابة شو بيطلع بإيدي
كتر ما بحب هالحب و جمالو،، الليلة كأنو العيد صار عيدي
بدي الحب ما برضى بدالو،، تا عنّو اكتب و عبّي الجريدة
اللي متلي حب لو قل مالو،، بضلّ يقلّك انا حبّي رصيدي
الحبّو الوطن هيك كرمالو،، شهيد بجنّتو بعيّد شهيدة
و الحب والدو بلهفة انحنالو،، و قلّو رضاك بدّي يا سيدي
و الحب إمّو الي زادت دلالو،، ما بينسى فضل هالإم الفريدة
و يللي صليبو بيطلع قبالو،، بيصلّب محبة الفادي أكيدة
و يللي بيركع يصلّي هلالو،، بيضوي محبّة و إيمان بعقيدة
أما العاشق بالعشق نيّالو،، بِحس حالو عايش دني جديدة
بيبقى لحالو و مَنّو لحالو،، بقلبو وحيدة و مَنّا وحيدة
هيك الحب ما بينقص كمالو،، و قلبي شرب من نبعو لأنو
نبعة الحب عم تجري بوريدي
No comments:
Post a Comment